U ramkach prajekta kursanty «Fotoškoły №1» atrymlivajuć nie tolki tearetyčnaje ŭjaŭleńnie pra fatahrafiju, ale i mahčymaść zdymać cikavyja i vidoviščnyja ekskursii-animacyi fondu «Kraina zamkaŭ». Start supracoŭnictvu byŭ dadzieny 15 kastryčnika, kali vučni škoły ŭziali ŭdzieł u adnoj z kaściumavanych ekskursij fondu, pryśviečanaj padziejam Pieršaj suśvietnaj vajny ŭ Biełarusi.

Fota: Katažyna Hibkaja

Fota: Katažyna Hibkaja

Fota: Katažyna Hibkaja

Fota: Katažyna Hibkaja

Fota: Katažyna Hibkaja

Fota: Katažyna Hibkaja

«Što robić čałaviek, kali atrymlivaje fotaaparat? Zdymaje kuračak, zajčykaŭ, sabačak, mašyny. Heta chutka nadakučvaje. Svaim kursantam my prapanavali novy farmat — vyjezd na mierapryjemstvy. Nam cikava supracoŭničać z fondam «Kraina zamkaŭ», u jakoha vielmi šmat ekskursij-animacyj, pryśviečanych roznym epocham našaj historyi», — raspaviadaje kuratar fotaškoły Ivan Muraŭjoŭ.

Na ekskursijach vučni sumiaščajuć karysnaje z pryjemnym: paznajuć niešta novaje ŭ Biełarusi, atrymlivajuć tearetyčnyja viedy ŭ fatahrafii, adpracoŭvajuć novyja navyki na praktycy ŭ palavych umovach. «Na mierapryjemstvach «Krainy zamkaŭ» našy vučni mohuć zdymać nie tolki statyku — architekturu abo pryrodu,— ale i artystaŭ-animataraŭ, ich padrychtoŭku, vystupy. Heta značna cikaviej, čym siadzieć u kłasie. Ludzi pačynajuć pracavać jak navinavyja fatohrafy. U kancy tydnia našy vučni robiać fotaspravazdačy, razam my robim razbor fatahrafij», — tłumačyć Ivan Muraŭjoŭ.

«My vielmi radyja takomu supracoŭnictvu. Dla nas heta prestyžna: fatohrafy zdymajuć našy animacyjnyja prahramy, a heta značyć, što tam jość što pakazać. My spadziajomsia, što razam z «Fotoškołaj» my zmožam i dalej papularyzavać biełaruskuju kulturu», — padkreśliŭ dyrektar fondu «Kraina zamkaŭ» Aleś Varykiš.

Na ekskursiju 15 kastryčnika vyjechali 12 čałaviek. Adnak u pierśpiektyvie «Fotoškoła №1» płanuje adpraŭlać na mierapryjemstvy fondu poŭny aŭtobus.

Ciapier «Kraina zamkaŭ» pravodzić piać ekskursij-animacyj, jakija raspaviadajuć pra siaredniaviečnych rycaraŭ, ab šlachcie i jaje baraćbie za niezaležnaść u XIX stahodździ, ab padziejach Pieršaj suśvietnaj vajny na terytoryi Biełarusi i kantrabandystach 1920—30-ch hadoŭ. Adna z samych papularnych ekskursij «Krainy zamkaŭ» — «Šlach karala Mindoŭha» — sioleta adznačyła svajo dziesiacihodździe. Pavodle acenak fondu, za dziesiać hadoŭ jaje naviedała kala 10 000 čałaviek.

Клас
Панылы сорам
Ха-ха
Ого
Сумна
Абуральна