Elektramabili Tesla Motors abstalujuć całkam aŭtanomnym aŭtapiłotam, jaki pavinien zabiaśpiečyć bolš vysoki ŭzrovień biaśpieki, čym pry kiravańni čałaviekam.

tesla.com

Z 20 kastryčnika ŭsie aŭtamabili Tesla buduć vypuskacca z całkam aŭtanomnym ubudavanym aŭtapiłotam. Praŭda pracavać jon zmoža paśla taho, jak budzie kančatkova pratestavany. U kampanii prahnazujuć, što heta adbudziecca da kanca 2017 hoda.

Ahlad u 360 hradusaŭ aŭtapiłotu zabiaśpiečvajuć vosiem ubudavanych kamier. Jany achopiać dalokaść da 250 mietraŭ. Akramia taho, mašyna abstalavanaja dvanaccaćciu ultrahukavymi sensarami, jakija zmohuć vyjavić miakkija i žorstkija pieraškody na adlehłaści, udvaja bolšaj, čym dalokaść kamier. Taksama ŭ Tesla jość frantalny radar, jaki «bačyć» pieraškody na šlachu mašyny navat skroź mocny livień, u tumanie i navat praz aŭtamabil, jaki jedzie napieradzie.

Na sajcie Tesla źjaviłasia videa c novym aŭtapiłotam u dziejańni.

Raniej zasnavalnik kampanii Iłan Mask raspavioŭ, što Tesla praciahnie ŭdaskanalvać sistemu kiravańnia aŭtamabilami, jakija byli vypuščanyja raniej i nie zmohuć pierajści na poŭny aŭtapiłot. Na dadzieny momant elektrakary Tesla tolki častkova aŭtanomnyja. U lipieni Mask zajaŭlaŭ, što na testavańnie całkam samastojnaj sistemy aŭtapiłota pojdzie prykładna piać hadoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?