Piensijanier zatrymaŭ chulihana, jaki napaŭ na 16-hadovuju dziaŭčynu ŭ adnym z damoŭ pa vulicy Laŭkova ŭ Minsku, paviedamiła pres-aficer Kastryčnickaha RUUS Evielina Markoŭskaja.
«Vyhulvajučy sabaku piensijanier, zajšoŭšy ŭ padjezd, pačuŭ kryki ab dapamozie i vyjaviŭ na padłozie dziaŭčynu, jakuju chulihan dušyŭ i sprabavaŭ ździejśnić dziejańni hvałtoŭnaha charaktaru. Pažyły mužčyna ŭtrymlivaŭ niećviarozaha hvałtaŭnika da pryjezdu milicyi. Jak akazałasia, raniej mužčyna słužyŭ u MUS», - raspaviała Evielina Markoŭskaja.
Pravaachoŭniki ŭstanavili, što zatrymany 18-hadovy minčanin raniej byŭ sudzimy za rabavańnie i niezakonny abarot narkotykaŭ. U toj dzień padazravany, niezadoŭha da napadu, sprabavaŭ napaści na jašče adnu dziaŭčynu.
Zaviedziena kryminalnaja sprava pa č.1 art.339 KK (chulihanstva). Vinavatamu pahražaje pazbaŭleńnie voli da troch hadoŭ.
