Samalot avijakampanii «Biełavija» V2-840 rejsa, jaki vykonvaŭ rejs 21 kastryčnika z Kijeva ŭ Minsk, viarnuli ŭ aeraport Žulany pad pahrozaj padniać źniščalniki z-za viadomaha aktyvista «Antimajdana», jaki źjechaŭ z Kijeva ŭ Maskvu ŭ 2014 hodzie Armiena Marcirasiana, paviedamlaje ŭkrainskaje vydańnie Strana.ua.
Hetuju infarmacyju paćvierdziŭ i sam Armien Marcirasian. «Jak i što było … Jakija miery budu pradprymać … Raskažu paśla kansultacyi ź jurystami», — napisaŭ jon na svajoj staroncy ŭ sacyjalnaj sietcy Facebook, paviedamlaje BiełaPAN
- Mianie vyvieli z samalota SBU-šniki, pravieryli ŭsie maje rečy, šukali niejki nazapašvalnik infarmacyi. Ničoha nie znajšli, skłali akt pra toje, što ŭ mianie ničoha niedazvolenaha nie znojdziena, adpuścili. Na nastupnym rejsie ja palacieŭ, - raspavioŭ Marcirasian ŭ razmovie z žurnalistam TUT.BY.
«Strana.ua» adznačaje, što Armien Marcirasian — viadomy błohier, žurnalist, aktyvist «Antymajdana» i kałumnist. Aŭtar rasijskaha vydańnia «Ukraina.ru» (uvachodzić u ahienctva «Rośsija Siehodnia», jakoje ŭznačalvaje Dźmitryj Kisialoŭ).