Kandydat u prezidenty ZŠA ad Respublikanskaj partyi Donald Tramp paabiacaŭ, što ŭ vypadku jaho abrańnia Złučanyja Štaty pierastanuć umiešvacca ŭ spravy inšych krain i zrynać režymy.

Pra heta jon skazaŭ padčas vystupu ŭ horadzie Sielma, štat Paŭnočnaja Karalina. Videazapis jaho vystupu apublikavany na YouTube.

Tramp adznačyŭ, što ZŠA buduć užyvać vajskovuju siłu tolki ŭ tych vypadkach, kali heta žyćciova nieabchodna dla nacyjanalnaj biaśpieki ZŠA.

«My spynim sprabavać budavać zachodnija demakratyi, zrynać režymy i biezadkazna ŭklučacca ŭ situacyi, u jakija my nie majem nijakaha prava ŭmiešvacca», — cytujuć jaho amierykanskija ŚMI.

Tramp padkreśliŭ, što «my chočam mocy dla našaj krainy, my chočam abaranić našu krainu». Hałoŭnym pavinna być zachavańnie biaśpieki ZŠA i baraćba ź ID, dadaŭ miljarder. Pavodle jaho słoŭ, u Złučanych Štataŭ «niama inšaha vybaru».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?