Alena Anisim prapanuje adkryć u Stoŭpcach himnaziju ź biełaruskaj movaj navučańnia, krajaznaŭčy muzej i ŭstalavać u horadzie pomnik Jakubu Kołasu.

Alena Anisim (sprava)

Alena Anisim (sprava)

Z takimi prapanovami deputatka Pałaty pradstaŭnikoŭ vystupiła padčas navukova-praktyčnaj kanferencyi «Staŭpieččyna — historyka-kulturnaja spadčyna nadniomanskaha rehijonu», paviedamlaje rajonnaja hazeta «Pramień».

Arhanizatarami kanferencyi vystupili Instytut historyi Nacyjanalnaj akademii navuk Biełarusi, adździaleńnie humanitarnych navuk i mastactvaŭ i Staŭpiecki rajonny vykanaŭčy kamitet.

Siadziba Jakuba Kołasa ŭ Akinčycach

Siadziba Jakuba Kołasa ŭ Akinčycach

U Stoŭpcach, dzie balatavałasia Anisim, siońnia niama anivodnaj adukacyjnaj ustanovy ź biełaruskaj movaj navučańnia. Pastavić pomnik Jakubu Kołasu, jaki naradziŭsia ŭ vioscy Akinčycy (siońnia ŭ miežach horadu), miascovaja intelihiencyja prapanoŭvała jašče ŭ minułym stahodździ. Ale da hetaje pary na centralnaj płoščy horadu staić pomnik Uładzimieru Leninu. Haradzkija ŭłady spasyłalisia na toje, što ŭ horadzie jość vulica Jakuba Kołasa i hetaha dastatkova dla ŭšanavańnia ziemlaka.

Alena Anisim jość namieśnicaj staršyni Tavarystva biełaruskaj movy. U Pałacie pradstaŭnikoŭ pradstaŭlaje Staŭpiecka-Niaśviskuju akruhu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?