U Ivacevickim rajonie žančyna paraniła siakieraj muža.
Jak paviedamiŭ načalnik adździaleńnia infarmacyi i hramadskich suviaziaŭ UUS Bresckaha abłvykankama Siarhiej Dučenka, ranicaj 3 listapada ŭ Ivacevicki RAUS pastupiła infarmacyja z centralnaj rajonnaj balnicy ab tym, što da ich źviarnuŭsia 41-hadovy žychar vioski Dabromysl. Miedyki dyjahnastavali ŭ mužčyny adkrytuju čerapna-mazhavuju traŭmu i ŭdar hałaŭnoha mozhu i špitalizavali.
Śledča-apieratyŭnaj hrupaj ustanoŭlena, što ciažkija cialesnyja paškodžańni pryčynienyja viaskoŭcu 2 listapada pryblizna ŭ 23.30 u dvary doma pa miescy žycharstva padčas svarki z žonkaj. 23-hadovaja žonka kinuła ŭ jaho siakieru.
Ivacevickim rajonnym adździełam Śledčaha kamiteta raspačataja sprava na padstavie č. 1 art. 147 KK (naŭmysnaje pryčynieńnie ciažkaha cialesnaha paškodžańnia). Žančyna zatrymanaja.
