Pružanski rajonny adździeł Śledčaha kamiteta pravodzić pravierku pa fakcie hibieli dvuch mužčyn padčas uzharańnia pryvatnaha doma ŭ vioscy Rosachi, paviedamiła aficyjnaja pradstaŭnica ŭpraŭleńnia Śledčaha kamiteta pa Bresckaj vobłaści Maryna Drańkova.
sk.gov.by
Trahiedyja adbyłasia siońnia prykładna ŭ 7 hadzin ranicy. Paviedamleńnie ab mocnym zadymleńni pryvatnaha doma pastupiła ŭ słužbu 101 ad kiroŭcy školnaha aŭtobusa. Na miesca zdareńnia nieadkładna adpravilisia supracoŭniki RANS. Paśla tušeńnia ahniu na kuchni ratavalniki vyjavili ŭ žyłym pakoi cieły dvuch stryječnych bratoŭ.
«Ułaśnikam domaŭładańnia źjaŭlaŭsia 56-hadovy mužčyna. Jon nidzie nie pracavaŭ, pražyvaŭ adzin. Jaho 76-hadovy svajak, žychar Bresta, pryjechaŭ napiaredadni ŭ hości. Jak patłumačyli adnaviaskoŭcy, uviečary mužčyny raśpivali śpirtnyja napoi. Pavodle papiaredniaj viersii, pryčynaj uzharańnia stała nieaściarožnaje abychodžańnie z ahniom pry kureńni», — adznačyli va USK.
Na miescy zdareńnia pracujuć śledčyja sumiesna sa śpiecyjalistami Dziaržaŭnaha kamiteta sudovych ekśpiertyz i Ministerstva pa nadzvyčajnych situacyjach. Pa vynikach ahladu vyjaŭlena, što ŭ piečy na momant pažaru nie paliłasia, elektrapravodka była ŭ spraŭnym stanie. U padłozie pad łožkam na kuchni i prylehłaj da jaje ścianie vyjaŭlenyja skraznyja praharyny. Bačnych cialesnych paškodžańniaŭ u mužčyn nie miełasia. Jak miarkujecca, ich hibiel nastupiła ad atručeńnia čadnym hazam. Z metaj vyśviatleńnia dakładnaj pryčyny śmierci pryznačanaja sudova-miedycynskaja ekśpiertyza.
