Paŭdniovakarejskaja kampanija Samsung adklikała ŭ ZŠA kala 2,8 miljona pralnych mašyn z-za niepaładak, jakija ŭ asobnych vypadkach pryvodzili da traŭmaŭ. Adklikanyja mašyny viertykalnaj zahruzki, u jakich padčas myćcia niečakana adździalałasia vierchniaja kryška, piša Meduza.io sa spasyłkaj na CNBC.

Kampanija atrymała dzieviać skarhaŭ na traŭmy, naniesienyja z pryčyny niepaładak. U adnym z vypadkaŭ va ŭładalnika pralnaj mašyny była złamanaja skivica.

Usiaho Samsung atrymaŭ ad spažyŭcoŭ 733 zajavy, u jakich kazałasia pra zanadta mocnuju vibracyju pralnaj mašyny abo raptoŭnaje adździaleńnie vierchniaj kryški.

Adklikańniu padlahajuć 34 madeli pralnych mašyn, vypuščanyja z sakavika 2011 pa listapad 2016 hoda. Hetyja madeli kaštavali ad 450 da 1500 dalaraŭ.

Клас
Панылы сорам
Ха-ха
Ого
Сумна
Абуральна