Biełaruś adnosicca da toj katehoryi krain, dzie na praciahu doŭhaha pieryjadu času kolkaść mužčynskaha nasielnictva mienšaja za kolkaść žanočaha. Pra heta havorycca ŭ spravazdačy Nacyjanalnaha statystyčnaha kamiteta da Suśvietnaha dnia mužčyn, jaki adznačajecca ŭ pieršuju subotu listapada, pačynajučy z 2000 hoda.
U Biełarusi kolkaść mužčyn na 1 studzienia 2016 hoda skłała 4 młn 420,8 tys. čałaviek, abo 46,5% ad ahulnaj kolkaści nasielnictva. U siarednim pa krainie na pačatak hetaha hoda na 1.000 mužčyn prypadała 1.149 žančyn.
Pry hetym chłopčykaŭ zaŭsiody naradžajecca bolš, čym dziaŭčynak. U 2015 hodzie naradziłasia 61,3 tys. chłopčykaŭ i 57,7 tys. dziaŭčynak. Jak vynik, na 1.000 chłopčykaŭ, jakija naradzilija, prypadała ŭsiaho 939 dziaŭčynak. Adnak pa miery staleńnia dyspraporcyja pamiž mužčynam i žančynaj vyraŭnoŭvajecca i va ŭzroście 30—33 hady suadnosiny žančyn i mužčyn stanoviacca prykładna adnolkavymi, a zatym pačynajuć składvacca na karyść žanočaha nasielnictva. U pažyłym uzroście nazirajecca najbolšaja dyspraporcyja. Tak, k 65 hadam mužčyn stanovicca ŭ paŭtara raza mienš, čym žančyn, a k 74 hadam — bolš čym u dva razy.
U 2015 hodzie čakanaja praciahłaść žyćcia ŭ mužčyn skłała 68,6 hoda, u žančyn — 78,9 hoda. Z 2005 hoda razryŭ u pakazčykach čakanaj praciahłaści žyćcia pamiž mužčynami i žančynami skaraciŭsia z 12,2 da 10,3 hoda.
Siaredni ŭzrost mužčyn na 1 studzienia 2016 hoda — 37,3 hoda. Pryčym u haradach mužčynskaje nasielnictva značna bolš maładoje, čym u sielskaj miascovaści, adznačajuć u Biełstacie. Tak, siaredni ŭzrost mužčyn, jakija pražyvajuć u haradach, składaje 36,2 hoda, sielskich žycharoŭ — 40,9 hoda.
U ahulnaj kolkaści mužčyn u pracazdolnym uzroście znachodzicca 65,3%, starejšych za pracazdolny ŭzrost — 15,6%, małodšych za pracazdolny — 19,1%.
U 2015 hodzie ŭ šlub ŭstupiła 82 tys. mužčyn. Pry hetym upieršyniu stvaryli siem`i 59,5 tys. mužčyn. Mužčyny čaściej stvarajuć siem`i va ŭzroście 25—29 hadoŭ (kožny treci mužčyna, jaki zaklučyŭ šlub) i 20—24 hady (kožny čaćviorty).
U 2015 hodzie z ahulnaj kolkaści mužčyn, jakija ŭstupili ŭ šlub, 1.263 biełarusy vybrali niaviestu z Rasii, 711 — z Ukrainy, 33 — ź Litvy, 20 — z Łatvii, 12 — ź Izraila.
