Siońnia pamior były sakratar Centralnaj kamisii pa vybarach i praviadzieńni respublikanskich refierendumaŭ Mikałaj Łazavik. Pryčynaj śmierci stała ciažkaja chvaroba, paviedamlajeBiełTA.
Mikałaj Łazavik naradziŭsia ŭ 1951 hodzie ŭ vioscy Nieviniany Vilejskaha rajona Minskaj vobłaści. U 1972 hodzie skončyŭ Biełaruski instytut miechanizacyi sielskaj haspadarki, u 1993 hodzie — Biełaruski dziaržaŭny univiersitet, u 2000 hodzie - Akademiju kiravańnia pry prezidencie, u 2003 hodzie — aśpiranturu pry Akademii kiravańnia. Mieŭ navukovuju stupień kandydata ekanamičnych navuk.
Raniej Mikałaj Łazavik byŭ deputatam Viarchoŭnaha Savieta Biełarusi 13-ha sklikańnia, uvachodziŭ u kamisiju pa dziaržaŭnym budaŭnictvie i miascovym samakiravańni. Post sakratara CVK jon zajmaŭ z 2000 hoda. Byŭ vyzvaleny ad hetaj pasady 17 kastryčnika 2016 hoda pa stanie zdaroŭja ŭkazam kiraŭnika dziaržavy.
