Supracoŭniki słužby biaśpieki kandydata ŭ prezidenty ZŠA ad Respublikanskaj partyi Donalda Trampa źviali jaho sa sceny padčas vystupu pierad vybarščykami ŭ horadzie Reno ŭ štacie Nievada, pišuć amierykanskija ŚMI.
AP
Pra toje, jakuju pahrozu zaŭvažyli ahienty, nie paviedamlajecca. Praź niekalki chvilin Tramp znoŭ źjaviŭsia pierad publikaj.
«Nichto nie kazaŭ, što nam budzie prosta, ja chaču padziakavać słužbie biaśpieki», - skazaŭ kandydat.
Pakul Tramp adsutničaŭ, siarod publiki pajšli čutki, što ŭ zału prakraŭsia čałaviek sa zbrojaj, i niekatoryja ŭdzielniki mierapryjemstva paśpiašalisia da vychadu. Na dapamohu supracoŭnikam biaśpieki ŭ cyvilnym paśpiašalisia ludzi ŭ kamuflažy piasočnaha koleru, padobnyja na vajskoŭcaŭ. Zatym z zały vyvieli niejkaha biełaha łysaha mužčynu, adnak nieviadoma, ci mieŭ jon dačynieńnie da incydentu.
Prezidenckija vybary ŭ ZŠA projduć 8 listapada.
