Siryjskaja apazicyja zajaviła ab pačatku apieracyi pa vyzvaleńni Raki ad ID.
Tekst rašeńnia pačać nastup na Rakku začytała pradstaŭnica kurdskaha apałčeńnia, u jakim vajuje niamała žančyn, Reuters.com
Apazicyjnaja hrupoŭka «Demakratyčnyja siły Siryi» zajaviła, što na praciahu niekalkich hadzin pačniecca apieracyja pa vyzvaleńni Raki ad «Isłamskaj dziaržavy». Pra heta na pres-kanfierencyi zajaviŭ kamandzir paŭstancaŭ, pieradaje Reuters.
Pa słovach kamandzira hrupoŭki, avijacyja krain — udzielnic kaalicyi, jakuju uznačalvajuć ZŠA, budzie padtrymlivać siły apazicyi pry nastupie na samaabvieščanuju bajevikami stalicu ID. Sama vajennaja apieracyja atrymała nazvu «Raźjušany Jeŭfrat».
Dla taho kab uziać Raku, «Demakratyčnym siłam» nieabchodna prajści z bajami jašče kala 50 kiłamietraŭ. Niekatoryja analityki nie ŭpeŭnienyja, što kurdam i apałčencam chopić sił dla praviadzieńnia takoj kampanii.
Try tydni tamu irakskaja armija pačała apieracyju pa vyzvaleńni druhoha pa vieličyni irakskaha horada - Masuła - ad bajevikoŭ ID.
