Aficyjna paćvierdžana: Tramp pieramoh

Vyniki i prajekcyi «Ńju-Jork tajms» čytaj tut.

Anłajn Rojterz z padliku hałasoŭ čytaj tut.

Anłajn-źviestki Politico.com pra kolkaść atrymanych hałasoŭ čytaj tut.

1. Tramp ličyć, što Amierycy treba mienš umiešvacca ŭ spravy za miažoj. Heta robić imaviernymi sproby Rasii pravieryć, nakolki daloka jana moža ciapier zachodzić.

Tramp taksama chałodny realist u ekanomicy i palitycy. Paniaćci «pravoŭ čałavieka», «hramadzianskich svabod» ci «doŭhu honaru», zdajecca, značać dla jaho mienš.

Heta moža aznačać i novyja pahrozy dla suvierenitetu Biełarusi dy Ukrainy, a taksama novyja represii suprać palityčnych praciŭnikaŭ u našym rehijonie.

Mahčymaja i novaja «Jałta» — padzieł śfier upłyvu.

2. Pieramoha Trampa aznačaje pieryjad niapeŭnaści ŭ suśvietnaj ekanomicy, skački kursaŭ, cen i kacirovak.

U pryvatnaści, my zamała viedajem, kab pradkazać, ci budzie Tramp dabivacca źnižeńnia cenaŭ na naftu j haz, ci ich rostu. A stan biełaruskaj ekanomiki i ambicyi Rasii buduć zaležać najpierš ad pamieru naftavych dachodaŭ.

Na viestkach pra pieramohu Trampa ceny na naftu ŭpali, a na zołata — vyraśli, ale heta zvyčajny efiekt ekanamičnaj niapeŭnaści.

3. Ci aznačaje pieramoha Trampa, što amierykancy nie hatovyja hałasavać za žančynu?

Nie, reč u Chiłary. Jana była «nijakim kandydatam» — chałodnym i niecikavym. Jana ź ciažkaściu pieramahła na pieradvybarach navat dziadulu-sacyjalista Sandersa.

Ludzi hałasavali nie suprać žančyny, a za jarkaha kandydata.

4. Pieramoha Trampa, jak i Breksit, pakazvajuć, što ŭ XXI stahodździ, u epochu internetu, ludzi hałasujuć sercam, a nie rozumam.

Pieramohu Trampa vyznačyli hałasy žycharoŭ vioski i rabočych — uvohule i ŭ štatach Mičyhan i Viskonsin u pryvatnaści. Sacyjołahi nie zmahli hetuju pieramohu pradkazać, jak nie pradbačyli i pieramohi Breksitu.

5. Kali Tramp vykanaje svaje pieradvybarnyja abiacanki i pierahledzić damovy ab svabodnym handli ź Mieksikaj dy Kanadaj, a taksama režym handlu z Kitajem, śviet čakaje pieryjad handlovych vojnaŭ i ekanamičnaha spadu ŭ Trecim Śviecie.

Mieksikanski piesa ŭpaŭ na 12% za adnu noč.

U karotkaterminovaj pierśpiektyvie heta pryviadzie da źnižeńnia ekanamičnaha rostu ŭ krainach «zdahaniajučaha raźvićcia», a doŭhačasovyja pierśpiektyvy dla roznych ekanomik pradkazać ciažka. Bo sacyjalnyja i vajennyja kanflikty ŭ śviecie mohuć rezka źmianić raskłady.

6. Tramp naležyć da tych ludziej, jakija havorać adno, a robiać inšaje. Heta ŭskładniaje lubyja prahnozy.

Adnak adnaznačna nie varta čakać niejkich revalucyjnych zruchaŭ u palitycy i ekanomicy ZŠA. Hrošy tam raźmiarkoŭvaje nie Tramp, a Kanhres. A jon ujaŭlaje saboj adbitak socień raznastajnych intaresaŭ, jak łakalnych, tak i ekanamičnych.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?