Staršy inśpiektar pa asablivych daručeńniach UDAI MUS Stanisłaŭ Sałaviej zaŭvažyŭ, što ŭ DTZ nie zaŭsiody pryznajecca vinavatym kiroŭca:
— U nas dziejničaje takaja praktyka. Sapraŭdy, kali ŭtvaryłasia zaśniežanaść na darohach, trasa niesvoječasova prybranaja i zdarajecca avaryja, da adkaznaści pryciahvajucca i darožnyja słužby. Kiroŭca nie zaŭsiody vinavaty.
Namieśnik načalnika hałoŭnaha ŭpraŭleńnia aŭtamabilnych daroh Ministerstva transpartu i kamunikacyj Siarhiej Lavončyk, u svaju čarhu, skazaŭ, što tolki za kastryčnik adbyłosia dva DTZ, u jakich paciarpieli piešachody i ŭ jakich vina lažyć mienavita na ekspłuatacyjnych słužbach.
— Mnie składana kamientavać daručeńnie staršyni abłvykankama, ale chaču skazać, što my surjozna stavimsia da kožnaj avaryi. Na kožnuju vyjazdžaje pradstaŭnik darožna-ekspłuatacyjnaj arhanizacyi abo inžynier pa biaśpiecy ruchu. U kožnym vypadku viadziecca raźbiralnictva, vyśviatlajecca asoba, vinavataja ŭ avaryi. U mianie dadzienyja, što ŭ kastryčniku było dva najezdy na piešachoda pa pryčynie drennych darožnych umoŭ: DTZ na M4 (najezd na piešachoda, čałaviek zahinuŭ) i na R23 (najezd na piešachoda praz toje, što nie pracavaŭ śviatłafor).
