U noč na 10 listapada na Minsk abrušycca cykłon (śnieh, mokry śnieh), u suviazi z čym haradskoje ŭpraŭleńnie MNS nahadvaje ab mierach biaśpiečnych pavodzin u čas mocnaha vietru i śniehapadu.
Pry ŭzmacnieńni vietru ratavalniki rekamiendujuć pa mahčymaści zastavacca doma, ščylna zakryŭšy pry hetym vokny. «Na vulicy ŭ čas śniehapadu va ŭmovach drennaj bačnaści treba być vielmi ŭvažlivymi, asabliva pry pierachodzie prajeznaj častki, nie rabić rezkich ruchaŭ i być pradkazalnymi dla kiroŭcaŭ», - padkreślili ŭ MNS.
Aŭtaŭładalnikam lepš admovicca ad pajezdak, asabliva dalokich, a aŭtamabili parkavać takim čynam, kab jany nie pieraškadžali rabocie śniehaŭboračnaj techniki. Taksama pažadana nie znachodzicca pablizu dreŭ i nie parkavać pobač ź imi mašyny. U vypadku niaspraŭnaści abo pry vielmi drennaj bačnaści nieabchodna ŭklučyć avaryjnuju sihnalizacyju, spynicca na abočynie i čakać dapamohi ŭ aŭtamabili, pry hetym ruchavik pavinien zastavacca ŭklučanym, a škło pryadkrytym dla zabieśpiačeńnia vientylacyi i praduchileńnia atručeńnia čadnym hazam. Pry ŭźniknieńni niaštatnych situacyj (u tym liku pry abryvach linij elektrapieradačy) treba nieadkładna paviedamić ab ich pa telefonie 101 abo 112.
