U Staradarožskim rajonie zatrymany mužčyna, jaki padazrajecca ŭ naŭmysnym pryčynieńni ciažkich cialesnych paškodžańniaŭ, jakija pryviali da śmierci, paviedamili va UUS Minabłvykankama.
«Trahiedyja zdaryłasia pozna ŭviečary 7 listapada ŭ vioscy Navasiołki. 41-hadovy mužčyna pryjechaŭ na daču, a ŭviečary zazirnuŭ da susiedziaŭ i staŭ udzielnikam impravizavanaha zastolla. Padčas vypiŭki pamiž hościem i haspadarom uźnikła svarka, asnoŭnaj pryčynaj jakoj stała reŭnaść — mužčyna zaprasiŭ na taniec sužycielku haspadara. U chod spačatku pajšli kułaki, a zatym i kavałak truby. Kali stała zrazumieła, što adbyłasia trahiedyja, vinoŭnik vyrašyŭ pazbavicca ad cieła i pieranios jaho na susiedski padvorak. Trup u dvary na ranicu znajšli inšyja susiedzi i patelefanavali ŭ milicyju», — adznačyli va UUS.
Staradarožski rajonny adździeł Śledčaha kamiteta raspačaŭ kryminalnuju spravu pa č.3 st.147 KK. Pravodzicca rasśledavańnie. Vinavatamu pahražaje pazbaŭleńnie voli terminam da 15 hadoŭ.
