U Kamianieckim rajonie palaŭničy na praciahu dziesiaci hadzin znachodziŭsia ŭ kałodziežy, paviedamili ŭ Kamianieckim RAUS.
Tut i nižej fota: uvd.brest.gov.by
U načny čas vośmaha listapada supracoŭniki milicyi atrymali paviedamleńnie ab tym, što mužčyna syšoŭ na palavańnie i doŭhi čas nie viartajecca, pra heta paviedamiŭ dziadźka źnikłaha. Litaralna praź niekalki chvilin u milicyju źviarnułasia i žonka palaŭničaha.
Na pošuki źnikłaha adpraviłasia adrazu niekalki pošukavych hrup. Bližej da ranicy mužčyna byŭ znojdzieny ŭ zarosłym kałodziežy, hłybinia jakoha składała prykładna siem mietraŭ. U kałodziežy taksama znachodziŭsia i jaho vierny čaćvieranohi siabar, jaki saskočyŭ za im. Vyratavalniki dapamahli palaŭničamu i jaho sabaku vybracca navierch. Mužčyna kala dziesiaci hadzin znachodziŭsia pa pojas u vadzie. Jon byŭ špitalizavany ź pieraachaładžeńniem. Sabaka nie paciarpieŭ.
Palaŭničy rastłumačyŭ, što nie zaŭvažyŭ kałodzieža ŭ vysokich zaraśnikach. Vybracca samastojna nie atrymlivałasia, a mabilnik nie łaviŭ sihnał.
