11 listapada ŭ Čarkaskim abłasnym mastackim muziei adbudziecca adkryćcio vystavy «Biełaruś z Ukrainaj u sercy».
Heta supolny prajekt biełaruskich i ŭkrainskich mastakoŭ, pryśviečany pamiaci dobraachvotnikaŭ taktyčnaj hrupy «Biełaruś», jakija vajavali z rasijskimi bajevikami na Danbasie.
Na vystavie buduć pakazanyja bolš za 40 tvoraŭ siabroŭ Biełaruskaha sajuzu mastakoŭ Hienadzia Drazdova, Alesia Puškina, Alesia Sušy, Andrusia Takindanha i Alesia Cyrkunova, a taksama ŭkrainskaha žyvapisca Tarasa Nosara.
Karciny byli stvoranyja padčas pleneru niepadalok ad linii frontu ŭ listapadzie 2015 hoda — pobač z Danieckim aeraportam, kala viosak Piaski, Vałnavacha i inšymi, dzie vajavali biełaruskija dobraachvotniki.
Repartaž Antosia Cialežnikava «Pendźli zamiest aŭtamataŭ», jaki byŭ pryśviečany pleneru, tolki niadaŭna pieramoh na fiestyvali ŭ polskim horadzie Toruń.
