Pavodle słoŭ Natalli Kačanavaj, Dzień biełaruskaha piśmienstva budučaha hoda asablivy, pakolki heta hod 500-hodździa biełaruskaha knihadrukavańnia i hod 1155-hodździa horada Połacka. Hetyja dźvie padziei pavinny być asnoŭnymi ŭ kancepcyi Dnia biełaruskaha piśmienstva, skazała vice-premjer.

Połack prymaje Dzień biełaruskaha piśmienstva ŭžo treci raz. Znakavyja daty stali vyznačalnymi ŭ vybary miesca praviadzieńnia mierapryjemstva.

Śviata prapanujecca adkryć u subotu 2 vieraśnia.

«Nie zusim pravilna, kali, adkryŭšy ranicaj u niadzielu śviata, užo viečaram my jaho zakryvajem. Heta pavinna być praciahłaje mierapryjemstva», — ličyć Natalla Kačanava.

Klučavaja kancepcyja śviata pavinna być padrychtavana ŭ studzieni budučaha hoda, skazała vice-premjer. Śviata pavinna stać znakavym i zapaminalnym jak dla haradžan, tak i dla haściej.

Aktyŭnaja rabota pa padrychtoŭcy śviatočnych mierapryjemstvaŭ čakajecca z boku biełaruskich piśmieńnikaŭ. Projduć ich sustrečy z čytačami, u pracoŭnych kalektyvach, z moładździu, kab raskazać ab historyi krainy, biełaruskaj movy, źmianieńniach u śfiery kultury.

Natalla Kačanava taksama adznačyła, što sioleta Dzień biełaruskaha piśmienstva ŭ Rahačovie prajšoŭ na vysokim uzroŭni: arhanizavali novyja prajekty, praviali šerah cikavych mierapryjemstvaŭ, šmat zrabili pa dobraŭparadkavańni horada, jaki prymaŭ śviata.

Клас
Панылы сорам
Ха-ха
Ого
Сумна
Абуральна