Na pieramovach ab piensijnaj reformie pamiž udzielnikami kirujučaj u FRH «vialikaj kaalicyi» błok partyj CHDS/CHSS maje namier prapanavać pryvieści piensijny ŭzrost u zaležnaść ad mierkavanaj praciahłaści žyćcia. Pra heta paviedamlaje niamiecki štotydniovik Der Spiegel.

Zhodna z prapanovaj błoka CHDS/CHSS, uzrost vychadu na piensiju pa staraści budzie aŭtamatyčna pavyšacca na paŭhoda z kožnym dadadzienym hodam mierkavanaj siaredniaj praciahłaści žyćcia. U ciapierašni čas piensijny ŭzrost u Hiermanii znachodzicca na adznacy 65 hadoŭ i piać miesiacaŭ, pa biahučym zakanadaŭstvie da 2029 hoda jon pavinien pavialičycca da 67 hadoŭ. Paśla hetaha terminu isnujučy miechanizm pavyšeńnia piensijnaha ŭzrostu pierastaje dziejničać.

Raspracoŭščyki prapanovy CHDS/CHSS raźličvajuć na pabočny ekanamičny efiekt — u vypadku pavieličeńnia ahulnaha pracoŭnaha stažu pavinna zapavolicca padzieńnie ŭzroŭniu piensij. Vyznačany zakonam piensijny ŭzrovień źjaŭlajecca adnym z hałoŭnych pradmietaŭ sprečki ŭdzielnikaŭ «vialikaj kaalicyi», adznačaje vydańnie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?