Urady Francyi i Hiermanii abmiarkoŭvajuć vybar adzinaha typu indyvidualnaj strałkovaj aŭtamatyčnaj zbroi dla svaich armij, paviedamlaje janes.com.
Hetaja tema ŭ adnosinach dvuch usio bolš blizkich pa palitycy krain Jeŭrasajuza ŭźnikła jašče ŭ 2015 hodzie, adnak pieramovy byli prypynienyja na pieryjad, kali Francyja prymała kančatkovaje rašeńnie pra nabyćcio novych aŭtamatyčnych vintovak Heckler & Koch 416.
Vosieńniu hetaha hoda Francyja padpisała kantrakt i stała druhoj krainaj u śviecie paśla Narviehii, jakaja zrabiła hety ŭzor zbroi standartnym dla svaich piechacincaŭ.
Narviežski žaŭnier u Afhanistanie. Fota wikipedia.org
Ciapier Minabarony Hiermanii paviedamiła pra adnaŭleńnie pieramoŭ ab ahulnaj vintoŭcy ŭ śniežni 2016 hoda. Krainy, imavierna, buduć raspracoŭvać ahulnyja techničnyja patrabavańni da zbroi i ahulnyja schiemy praviadzieńnia konkursaŭ i zaklučeńnia kantraktaŭ u vajennaj śfiery.
Hiermanija płanuje pieraŭzbroić svaju armiju novaj indyvidualnaj strałkovaj zbrojaj, pačynajučy z 2019 hoda, bo isnujučaja vintoŭka G36 vyklikała šmat krytyki.
Adzinyja patrabavańni i zamovy mohuć u budučyni zaŭvažna skaracić vydatki kožnaj kankretnaj krainy na raspracoŭku i nabyćcio novaj zbroi. Takim šlacham u budučyni moža pajści i Biełaruś razam ź jaje susiedziami.
