Sacyjalnaja sietka Facebook pamyłkova paviedamiła pra śmierć niekalkich sotniaŭ svaich karystalnikaŭ, piša VVS. Techničny zboj zakranuŭ navat zasnavalnika sacsietki Marka Cukierbierha, na asabistaj staroncy jakoha taksama źjaviłasia paviedamleńnie z paznakaj, što ŭładalnik akaŭnta niadaŭna pamior.

Paźniej hetym ludziam daviałosia pisać paviedamleńni, jakija tłumačyli, što viestka ab ich śmierci pamyłkovaja.

Kiraŭnictva sacyjalnaj sietki paprasiła prabačeńnia za pamyłku. «Nam vielmi škada, što heta adbyłosia. Heta była žudasnaja pamyłka, jana ŭžo vypraŭlenaja», — zajaviŭ pradstaŭnik resursu.

«Heta byŭ nastolki ciažki tydzień dla Amieryki, što Fejsbuk vyrašyŭ, što my pamierli», — napisaŭ z hetaj nahody adzin z karystalnikaŭ, namiakajučy na prezidenckija vybary, jakija prajšli na hetym tydni.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?