Biełaruski biznes adznačaje niedastatkovaść infarmacyi ab pracy ŭ miežach JEAES. Pra heta śviedčać vyniki apytańnia ŭ ramkach vyznačeńnia indeksa dziełavoha aptymizmu, praviedzienaha biznes-sajuzami. U apytańni ŭziali ŭdzieł bolš za 500 pradstaŭnikoŭ pradprymalnictva: indyvidualnyja pradprymalniki, mikraarhanizacyi, małyja, siarednija i bujnyja pradpryjemstvy.

Jak adznačyła 11 listapada na pres-kanfierencyi ŭ Minsku vice-staršynia Minskaha staličnaha sajuza pradprymalnikaŭ i rabotadaŭcaŭ Lilija Koval, upieršyniu ŭ dadatkovym błoku pytańniaŭ respandentam taksama było prapanavana vyznačyć klučavyja pieraškody dla ŭdziełu biznesu ŭ intehracyjnych pracesach JEAES. Bolš za pałovu respandentaŭ bačać asnoŭnuju pieraškodu ŭ niedastatkovaj infarmavanaści ab mahčymaściach dla biznesu (52,5% respandentaŭ). Druhi pa značnaści adkaz źviazany z adsutnaściu ŭjaŭleńnia ab ekanamičnaj metazhodnaści takoha ŭdziełu (33,5%). «Biznes časta nie bačyć vyhadaŭ va ŭdziele ŭ intehracyjnych pracesach JEAES», — adznačyła Koval.

Na dumku biznesu, taksama nazirajecca niedachop realnaha dyjałohu asob, jakija prymajuć rašeńni pa jeŭrazijskaj intehracyi, ź biznesam (24,4%), niedachop dyjałohu pamiž biznes-supolnaściami krain — udzielnic JEAES (20,4%), adsutnaść davieru da jeŭrazijskaj intehracyi (20 %), adsutnaść adzinaj pazicyi biznes-supolnaściaŭ krain — udzielnic JEAES (16,9%).

Jak adznačyła Koval, u jakaści pryjarytetu jeŭrazijskaha intehracyjnaha supracoŭnictva dla raźvićcia biznesu na najbližejšyja piać hadoŭ respandenty adznačyli, u pieršuju čarhu, źniaćcie barjeraŭ i abmiežavańniaŭ (60,6%), metavuju padtrymku kankurentazdolnych intehracyjnych prajektaŭ (30,8%), vypracoŭku sumiesnych stratehij halinovaha raźvićcia (44,8%).

«My bačym, što pa rejtynhu źniaćcie barjeraŭ i abmiežavańniaŭ — asnoŭnaja pryčyna, jakaja tarmozić usich na adzinaj ekanamičnaj prastory, a taksama adsutnaść adzinaj pramysłovaj palityki», — patłumačyła vice-staršynia.

Jana taksama adznačyła, što ŭpieršyniu było ŭklučana pytańnie ab nieabchodnaści dziaržaŭnaj padtrymki biznes-asacyjacyj i stymulavańnia ŭnutranaha popytu. Zhodna z vynikami apytańnia, 37,2% pradprymalnikaŭ miarkujuć, što dziaržava pavinna dapamahać pierśpiektyŭnym vytvorcam lhotnymi kredytami. 46,6% ličać, što dziaržava nie pavinna padtrymlivać dziejnaść biznes-asacyjacyj jak partniora ŭ dyjałohu biznesu i ŭłady, bo vydatki biznesu treba skaračać za košt źnižeńnia padatkovaj i rehulatarnaj nahruzki dla ŭsich. Jašče 16,2% ličać, što dziaržava nie pavinna padtrymlivać dziejnaść asacyjacyj, bo padzieńnie popytu — heta adekvatnaja reakcyja spažyŭcoŭ na kryzis.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?