Ministerstva suviazi i infarmatyzacyi Biełarusi abjaviła tendar na stvareńnie «nacyjanalnaha partała adkrytych danych na bazie adzinaha partała elektronnych pasłuh». Na heta płanujecca vydatkavać 2 młn rubloŭ (bolš za 1 młn dalaraŭ pa biahučym kursie).
Ministr suviazi Siarhiej Papkoŭ
Miarkujučy pa supravadžalnaj infarmacyi, krynicaj finansavańnia vystupaje Dziaržaŭny pazabiudžetny fond, a sam partał pavinien być stvorany da kanca 2018 hoda (zajaŭki na tendar prymajucca da 21 listapada 2016 hoda).
U sakaviku ministr suviazi i infarmatyzacyi Siarhiej Papkoŭ zajaŭlaŭ, što partał adkrytych danych Biełarusi jak častka ahulnaj sistemy elektronnaha ŭrada pavinien źjavicca ŭ Biełarusi ŭ 2016 hodzie.
«U adpaviednaści sa stratehijaj pavinien raźvivacca kirunak pa pradastaŭleńni adkrytych danych. U pryvatnaści, pavinna być pradastaŭlena nie mienš za 100 naboraŭ adkrytych danych. U 2016 hodzie my pavinny realizavać tak zvany partał adkrytych danych. Jaho najaŭnaść budzie ŭličvacca pry acency AAN ŭzroŭniu hatoŭnaści elektronnaha ŭrada ŭ krainie», — adznačyŭ tady čynoŭnik.
