Stanoŭčyja baki pracy prezidenta RF ničym nie adroźnivajucca ad stanoŭčych bakoŭ pracy supracoŭnika zavoda. Pra heta skazaŭ prezident RF Uładzimir Pucin u hutarcy z rabočymi zavoda «Aŭtadyziel», adkazvajučy na pytańnie ab stanoŭčych i admoŭnych bakach svajoj pracy, piša TASS.

TASS

«Kali pa-surjoznamu, to samy stanoŭčy bok majoj pracy ničym nie adroźnivajecca ad stanoŭčaha boku vašaj — kali vy bačycie, što jana prynosić zadavalnieńnie i vy damahajeciesia pastaŭlenych pierad saboj met i zadač, vy robicie važnuju, patrebnuju, dobruju spravu. Jana idzie na karyść i vam i tamu, dziela kaho vy pracujecie. Voś heta i jość samaje vialikaje zadavalnieńnie — zaŭsiody samaje vialikaje zadavalnieńnie ad atrymanych vynikaŭ», — skazaŭ jon.

Kažučy ab admoŭnych bakach pracy, Pucin adznačyŭ, što admoŭnych emocyj šmat, «ničoha nie zrobiš». «Ale i ŭ vašaj pracy napeŭna toje ž samaje: kali ŭ vas niešta nie atrymlivajecca ci vas niechta padvodzić, abo sutykajeciesia ź inšymi niespadziavanymi akaličnaściami. Ale ŭ hetym i jość pryvabnaść našaj z vami pracy: my ŭ stanie hetyja ciažkaści pieraadoleć i damahčysia patrebnaha dla nas vyniku», — skazaŭ na zakančeńnie prezident RF.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?