Alaksandr Łukašenka ŭziaŭ udzieł u cyrymonii adkryćcia Ladovaj areny ŭ Škłovie, paviedamlaje BiełTA.

«Ja viedaju, što naša z vami mierapryjemstva ŭ krainie ŭsprymuć nieadnaznačna. Jak heta ŭ nas časta byvaje, niechta budzie šaptać za vuhłom, niechta na kuchni, što lepš by hetyja hrošy ŭziali, padzialili, pa kavałačku b razdali, nie čas budavać heta ŭsio. Ničoha padobnaha, — adznačyŭ kiraŭnik dziaržavy. — Pamiatajcie, što heta zdaroŭje ludziej. Heta nastroj baćkoŭ, dziaciej. Kali niechta budzie kazać, što ja heta pabudavaŭ dla siabie… Dy nie, mnie ŭžo ladovyja placoŭki nie patrebnyja. A dzieciam maim jość, dzie zajmacca. Ja chaču, kab vašy dzieci i ŭnuki mieli mahčymaść zajmacca hetym vydatnym mužčynskim (i ŭžo žanočym) vidam sportu — chakiejem — na vydatnym lodzie».

Łukašenka padkreśliŭ, što ŭ Ladovaj arenie stvoranyja ŭsie nieabchodnyja ŭmovy dla zaniatkaŭ sportam. «Lod vydatny. Hałoŭnaje — heta. I heta zroblena dychtoŭna i jakasna, — skazaŭ jon. — Davajcie žyć na hetaj ziamli, lubić svaju ziamlu, zajmacca lubymi vidami sportu. I, samaje hałoŭnaje, viadzicie za ruku siudy svaich dziaciej. A jany paviaduć siudy vas».

Spartyŭny abjekt u Škłovie, akramia niepasredna ladovaj placoŭki, uklučaje ŭ siabie zału siłavoj padrychtoŭki, trenažornuju i chareahrafičnuju zały, saŭnu ź mini-basiejnam, kaviarniu i inšyja pamiaškańni. Na prylehłaj terytoryi raźmieščanaja łyžarolernaja trasa praciahłaściu 1,9 km.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?