35-hadovy pravadnik kaardynavaŭ dziejańni pa dastaŭcy pierabiežčykaŭ z Maskvy ŭ Biełaruś. Dziakujučy kompasu i tapahrafičnaj karcie jon viedaŭ raźmiaščeńnie pamiežzastaŭ i navat sihnalnych raściažak. Nielehały načavali ŭ lesie, vykonvajučy ŭsie miery zaściarohi.
Padrabiaznaści raspavioŭ staršy pamočnik prakurora rajona Siarhiej Harbus:
— Niahledziačy na prafiesijny padychod da spravy, nielehały pakinuli ślady. Zatrymali ich pa sihnale biełaruskich pamiežnikaŭ užo na terytoryi Łatvii. Cikava, što 20-25-hadovyja hramadzianie Vjetnama, ź jakich składałasia hrupa, da apošniaha byli ŭpeŭnienyja, što ŭ ich atrymałasia prarvacca na terytoryju Polščy. Kožny zapłaciŭ za pierachod ad 10 da 15 tysiač jeŭra.
Vyśvietliłasia, što pravadnik — dobra viadomaja ŭ Čačni asoba: jaho sudzili za šerah złačynstvaŭ terarystyčnaj nakiravanaści. U składzie bandfarmavańniaŭ jon padryvaŭ ciahniki, abstrelvaŭ milicejskija patruli, akazvaŭ uzbrojeny supraciŭ pry zatrymańni. Potym supracoŭničaŭ sa śledstvam i pakazvaŭ schrony zbroi.
Za sadziejničańnie arhanizacyi niezakonnaj mihracyi hrupaj asob pa papiaredniaj zmovie ŭradženca Čačni asudzili na 4 hady pazbaŭleńnia voli va ŭmovach uzmocnienaha režymu. Prysud pakul nie ŭstupiŭ u zakonnuju siłu — abvinavačany nastojvaje na tym, što jon adzin nakiroŭvaŭsia ŭ Niamieččynu lačyć suchoty, a vjetnamcaŭ vypadkova sustreŭ pa darozie.
