Respublikaniec Donald Tramp maje namier vysłać albo ŭziać pad vartu miljony niezarehistravanych mihrantaŭ u ZŠA. Pra heta jon zajaviŭ u intervju telekampanii CBS, frahmienty jakoha raźmieščany na sajcie miedyjakarparacyi da źjaŭleńnia materyjału ŭ efiry ŭ niadzielu, 13 listapada.
Pa słovach Trampa, havorka idzie pra «kryminalnyja elemienty» ŭ imihranckim asiarodździ — «kryminalna sudzimych, členach band, handlarach narkotykami», jakich, pavodle acenak budučaha kiraŭnika dziaržavy, u ZŠA pražyvaje ad dvuch da troch miljonaŭ (heta značyć pryblizna 1% ad ahulnaha kolkaści nasielnictva krainy).
Akramia taho, Tramp nie admoviŭsia ad svaich płanaŭ «umacavać miežy» ZŠA i pabudavać ścianu na miažy ź Mieksikaj. Adnak u intervju CBS jon zajaviŭ, što «ŭ niekatorych rajonach» jon zhodny na płot, u toj čas jak «u niekatorych rajonach ściana budzie bolš adekvatnaj mieraj».
