«Vizit tureckaha prezidenta, biez sumnievaŭ, zakładvaje vielmi surjoznuju płatformu ŭ hetuju ŭpeŭnienaść. Bolš za 150 biznesmienaŭ, jakija pryjechali na biznes-forum, poŭnyja nadziej i kazali pra svaju zacikaŭlenaść u stvareńni vytvorčaściej, raźvićci handlovych suviaziaŭ ź Biełaruśsiu. Jany ciapier poŭnyja čakańniaŭ, i buduć pracavać na raźvićcio stasunkaŭ z našaj krainaj», — zajaviŭ dypłamat u efiry prahramy «Kontury» na ANT.
Andrej Savinych asabliva źviarnuŭ uvahu na pierśpiektyvy na tureckim rynku «Homsielmaša» ŭ płanie pastavak kormaŭboračnych kambajnaŭ.
Niadrennyja pierśpiektyvy i ŭ «BiełAZa», na dumku ambasadara.
«BiełAZ» moža ŭdzielničać u budaŭnictvie «druhoha Basfora» — adnaho sa stratehičnych prajektaŭ — druhoha kanała dla hruzavych sudoŭ, jaki złučaje Čornaje i Marmurovaje mora. Heta miljony, kali nie dziasiatki miljonaŭ ton hruntu, jakija pavinny być pieramieščanyja. My vydatna mahli b udzielničać svajoj technikaj u budaŭnictvie hetaha kanała. Heta hłabalny prajekt, stratehičny. Jon budzie ŭvažliva adsočvacca z usiaho śvietu», — adznačyŭ dypłamat.
Hetaja tema zakranałasia na sustrečy prezidentaŭ Biełarusi i Turcyi ŭ Minsku, paviedamlaje BiełaPAN.
