Refierendum ab pavieličeńni terminaŭ paŭnamoctvaŭ deputataŭ Pałaty pradstaŭnikoŭ i prezidenta, a taksama ab pierachodzie da praparcyjanal-mažarytarnaj vybarčaj sistemy ŭ Biełarusi moža adbycca, «kali na toje budzie vola kiraŭnika dziaržavy», zajaviła staršynia Centrvybarkama Lidzija Jarmošyna.

Adnosna prapanovy Libieralna-demakratyčnaj partyi (ŁDP) arhanizavać adnačasova z vybarami ŭ miascovyja saviety 2018 hoda respublikanski refierendum kiraŭnik CVK adznačyła: «U mianie niama tut i nie moža być dumki z-za taho, što ja nie ŭdzielničaju ŭ pryniaćci palityčnych rašeńniaŭ. Sama prapanova ni ŭ čym nie supiarečyć mižnarodnaj praktycy. I jaho realizacyja ŭ peŭnym płanie mahła b spryjać stabilnaści hramadstva i niekatoraj ekanomii vydatkaŭ na vybary».

Ź inicyjatyvaj ab praviadzieńni refierendumu pa źmianieńni Kanstytucyi ŁDP vystupiła na minułym tydni. Adpaviednaja zajava była pryniataja vyšejšym savietam i centralnym kamitetam partyi 23 listapada. ŁDP prapanoŭvaje pierajści na praparcyjanalna-mažarytarnuju sistemu vybaraŭ, a taksama pavialičyć termin paŭnamoctvaŭ členaŭ Savieta Respubliki, deputataŭ Pałaty pradstaŭnikoŭ Nacyjanalnaha schodu i deputataŭ miascovych savietaŭ z čatyroch da piaci hadoŭ, a prezidenta — ź piaci da siami hadoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?