U Homieli ździejśnili suicyd 15-hadovaja navučenka adnaho ź licejaŭ i 25-hadovy miascovy žychar. Trahičnyja vypadki nie źviazanyja pamiž saboj.

Cieła dziaŭčyny z prykmietami miechaničnaj aśfiksii (paviešańnia) było znojdzienaje 26 listapada. Jak paviedamili ŭ SK, pravodzicca kompleks mierapryjemstvaŭ pa vyśviatleńni pryčyn i abstavin mahčymaha suicydu, apytvajucca znajomyja, blizkija i siabry zahinułaj, pryznačanyja ekśpiertyzy. Pravierku pravodzić Homielski haradski adździeł SK.

24 listapada na leśvičnaj placoŭcy adnaho z žyłych šmatpaviarchovych damoŭ Homiela było znojdzienaje cieła 25-hadovaha miascovaha žychara z prykmietami miechaničnaj aśfiksii.

Pavodle nieaficyjnaj infarmacyi, małady čałaviek vyjšaŭ uviečary hulać z sabakam i nie viarnuŭsia, sabaka pryjšoŭ dadomu adzin. Paźniej trup maładoha mužčyny znajšli na leśvičnaj placoŭcy. Na staroncy ŭ sacyjalnaj sietcy zahinułaha dziasiatki spačuvańniaŭ. Siabry pišuć, što jon byŭ pazityŭnym i dobrym čałaviekam. «Nie adkładaj mianie na potym, «potym» mianie nie budzie», — taki zapis pakinuŭ na svajoj staroncy małady čałaviek.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?