U «Prezident-hateli» ŭ Minsku pačałasia sustreča ministraŭ zamiežnych spraŭ krain «narmandskaj čaćviorki». U joj udzielničajuć Pavieł Klimkin (Ukraina), Siarhiej Łaŭroŭ (Rasija), Frank-Valter Štajnmajer (Hiermanija) i Žan-Mark Ejro (Francyja).

Fota Siarhieja Zinina

Fota Siarhieja Zinina

Jak zajaviŭ pierad adpraŭleńniem u Minsk Pavieł Klimkin, na pieramovach jon pradstavić płan pa ŭrehulavańni situacyi na ŭschodzie Ukrainy. «Ja źbirajusia zrabić asnoŭnyja akcenty na pytańni biaśpieki i pytańni humanitarnaha charaktaru, u pryvatnaści, vyzvaleńni našych palityčnych załožnikaŭ, zabiaśpiečyć dostup da ich mižnarodnych arhanizacyj, Čyrvonaha Kryža. A taksama, viadoma, ja budu nastojvać na našym bačańni «darožnaj karty», jakaja budzie zdolnaja zrabić realny prahres u situacyi», — skazaŭ kiraŭnik MZS Ukrainy.

Jon taksama adznačyŭ, što na siońnia niama padstaŭ dla praviadzieńnia vybaraŭ na niepadkantrolnych terytoryjach. «Naša sumiesnaje bačańnie ź niamieckimi i francuzskimi kalehami zaklučajecca ŭ tym, kab možna było prasoŭvacca da takich krokaŭ, jak realnaja padrychtoŭka da praviadzieńnia sumlennych vybaraŭ — ciapier takich umoŭ niama, i ŭ nas jość bačańnie pa hetym pytańni z Hiermanijaj i Francyjaj. Z Rasijaj ža u nas takoha sumiesnaha bačańnia niama», — zajaviŭ Klimkin.

Pavodle słoŭ ukrainskaha ministra, z boku Rasii niama razumieńnia pa pytańniach kantrolu nad ukrainska-rasijskaj miažoj i vyvadu rasijskich vojskaŭ z terytoryi Danbasa i razzbrajeńnia.

Klimkin ličyć, što nieabchodna stvaryć uzbrojenuju misiju, jakaja dazvoliła b zabiaśpiečyć choć by minimalnyja mahčymaści dla padrychtoŭki pracesu svabodnych i sumlennych vybaraŭ na Danbasie.

Rasijski bok źbirajecca na sustrečy ŭ Minsku «źvieryć hadzińniki». «Chutčej heta rabočaja sustreča, z tym kab» źvieryć hadzińniki», i z tym kab paźbiehnuć niepatrebnych i škodnych dla pracesu paŭzaŭ naohuł, i na vysokim, i na vyšejšym uzroŭni», — zajaviŭ napiaredadni ŭ Maskvie pres-sakratar prezidenta RF Dźmitryj Piaskoŭ.

Jon adznačyŭ, što ŭ pieramovach pa Ukrainie «situacyja pakul kardynalna nie palapšajecca». «Pa-raniejšamu praciahvajucca «ciažkaści pieravodu», vobrazna kažučy. Ukrainskija kalehi časta mianiajuć pazicyju, i pa-raniejšamu, na žal, ujaŭlajecca navat ciažkim uzhadnić asnoŭnyja punkty taho dakumienta, jaki nazyvajuć «darožnaj kartaj», jakaja adlustroŭvaje ahulnaje razumieńnie taho, jak treba realizoŭvać asnoŭnyja dakumienty, a mienavita: minskija damoŭlenaści», — skazaŭ Piaskoŭ.

Pieramovy pa ŭrehulavańni situacyi va Ukrainie ŭ takim farmacie pravodziacca ŭ biełaruskaj stalicy ŭpieršyniu. Sustreča «narmandskaj čaćviorki» ŭ Minsku ŭžo była, u lutym 2015 hoda, ale tady jana prachodziła na ŭzroŭni kiraŭnikoŭ dziaržaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?