DAI Minska pačynaje testy niderłandskich modulaŭ ImFlow na śviatłafornych abjektach u Sucharavie. Pra heta žurnalistam raspavioŭ načalnik adździeła techničnych srodkaŭ i sistem DAI HUUS Minharvykankama Dźmitryj Navoj padčas pres-kanfierencyi, pryśviečanaj kancepcyi zabieśpiačeńnia biaśpieki darožnaha ruchu «Dobraja daroha» na 2016—2020 hady, piša BiełTA.

«U staličnym mikrarajonie Sucharava 16 śvietłafornych abjektaŭ buduć abstalavanyja niderłandskaj sistemaj ImFlow, jakuju nam biaspłatna dali dla testaŭ zhodna ź piłotnym prajektam u Minsku. Hety pradukt ličycca inavacyjnym. Da kanca 2016 hoda źjavicca čatyry abjekty, a ŭ pieršym kvartale 2017-ha buduć ustanoŭlenyja astatnija. Testy buduć doŭžycca dva hady», — adznačyŭ Dźmitryj Navoj.

Intelektualnaja sistema zdolnaja analizavać patok i vyznačać pryjarytety dla transpartu abo piešachodaŭ u realnym časie. Pieršyja čatyry moduli ImFlow źjaviacca na skryžavańniach vuł. Šaranhoviča z vuł. Hareckaha, Łabanka, Sucharaŭskaj i Fiodarava. Astatnija ŭ 2017 hodzie raźmiarkujuć pa inšych skryžavańniach Frunzienskaha rajona Minska.

Клас
Панылы сорам
Ха-ха
Ого
Сумна
Абуральна