Finalistami nacyjanalnaha adboru na mižnarodny televizijny konkurs pieśni «Jeŭrabačańnie-2017» stali 13 vykanaŭcaŭ, paviedamlaje BiełTA.

NAVI

Žury adboru prasłuchała siońnia 67 pretendentaŭ na pucioŭku na samaje maštabnaje šou Jeŭropy, jakoje ŭ mai 2017 hoda prymie Kijeŭ.

U efiry «Biełaruś 1» nazvanyja finalisty: Alaksandra Tkač; Kattie (Kaciaryna Rudnickaja); Uładzisłaŭ Kurasaŭ; hurt «NAVI»; Anžalika Pušnova; Isaac Nightingale (Vadzim Kapuścin); Nastaśsia Šavieranka; «Ijul» (Julija Karaniuk); Nuteki; Napoli; Lermont x Julic; hurt «PROvokacija»; Mikita Chodas.

Biełteleradyjokampanija viała anłajn-tranślacyju z prasłuchoŭvańnia na aficyjnym sajcie. Z vystupami kankursantaŭ možna aznajomicca ŭ raździele «Śpiecprajekty».

Finał adboru projdzie nie paźniej za 25 studzienia ŭ farmacie televizijnaha kancerta. Udzielnik finału, jaki nabraŭ najbolšuju kolkaść bałaŭ pa vynikach hałasavańnia prafiesijnaha žury i hladackaha hałasavańnia, abjaŭlajecca pieramožcam prajekta i stanovicca aficyjnym pradstaŭnikom Biełarusi na mižnarodnym konkursie pieśni «Jeŭrabačańnie-2017».

Клас
Панылы сорам
Ха-ха
Ого
Сумна
Абуральна