U domie-muziei Vańkoviča u Minsku adkryłasia vystava, dzie kožny biełarus moh prezientavać kalekcyju rečaŭ, jakuju źbiraŭ na praciahu žyćcia. Adkryćcio vystavy prymierkavana da pieršaha vypusku «Rekordaŭ Kufara» — biełaruskaha anałaha Knihi rekordaŭ Hiniesa. Da ciapierašniaha momantu «dakazana» 30 dasiahnieńniaŭ, pra jakija možna skazać «bolš za ŭsio ŭ Biełarusi», i nichto z hetym nie paspračajecca.

Adnoj z samych bliskučych kalekcyj byli zapinki Davida Čytaja. Kolkaść jaho ŭpryhožvańniaŭ dla kašulaŭ i pinžakoŭ pieravalvaje za 500 štuk. 

David Čytaj.

David Čytaj.

Rašeńnie źbirać zapinki kalekcyjanier pryniaŭ paśla taho, jak nabyŭ kašulu biez huzikaŭ. Adnymi z samych darahich u Davida źjaŭlajucca zapinki z vyjavaj byka na Uoł-stryt.

Ihar Barysievič pradstaviŭ svaju kalekcyju hramafonaŭ i patefonaŭ. Usiaho ŭ amatara retra naličvajecca 70 roznych vidaŭ takich muzyčnych aparataŭ i bolš za tysiaču płastynak kanca XIX — pačatku XX stahodździa.

Ihar Barysievič.

Ihar Barysievič.

Ihar źbiraŭ svaju kalekcyju bolš za 10 hod. Siarod jahonych ekspanataŭ možna znajści redkija madeli, naprykład fanohraf Tomasa Edysana i kampanii Columbia, patefony firmy Pathe.

Televiadučy Andrej Bond pradstaviŭ kalekcyju bižuteryi. Šoumen štodnia nosić roznyja ŭpryhožvańni. Andrej adznačyŭ, što ŭsia bižuteryja vykanana z naturalnych materyjałaŭ, ale majstry zapeŭnili, što, niahledziačy na toje, nivodnaja žyvaja istota nie paciarpieła.

Usiaho Andrej maje bolš za 100 upryhožvańniaŭ z usiaho śvietu.

Usiaho Andrej maje bolš za 100 upryhožvańniaŭ z usiaho śvietu.

Błohierka Asia Papłaŭskaja pryznałasia ŭ słabaści da makaŭ. Tamu siońnia jana maje 150 pradmietaŭ z vyjavami hetaj raśliny. Usio pačałosia z zavušnic z palimiernaj hliny, nabytych u Kaktebieli. Pry hetym Asia adznačaje, što heta zachapleńnie našmat spraščaje jaje siabram vybar padarunkaŭ dla jaje.

Samaj maleńkaj kalekcyjanierkaj stała trochhadovaja Alisa, jakaja razam z baćkami źbiraje knihi «Alisa ŭ krainie cudaŭ» na roznych movach.

Na siońnia Alisa maje 25 knih, pierakładzienych na hreckuju, francuzskuju, estnonskuju i inšyja movy. Baćki ź nieciarpieńniem čakajuć vychadu «Alisy ŭ krainie cudaŭ» pa-biełarusku.

Usiaho było adznačana 23 kalekcyjaniery. Adznačyłasia i fota Antona Matolki «Paŭnočnaje źziańnie»(samaje tyražavanaje fota ŭ krainie), dva bresckija chłopcy, jakija majuć samuju vialikuju kalekcyju zapałkavych etykietak, dy-džej Kazimir sa svaim samym stałym trya, televiadučaja Hanna Bond sa svajoj kalekcyjaj z tryccaci žyrafaŭ i inšaje.

Kiryła Stasielka — uładalnik samaj vialikaj kolkaści hierojaŭ u adnym ramanie. A ich — 136.

Kiryła Stasielka — uładalnik samaj vialikaj kolkaści hierojaŭ u adnym ramanie. A ich — 136.

Illa Žukaviec (dyrektar pa markietynhu Kufar) i Volha Šachraj — uładalnica 7 000 adnarazovych pakiecikaŭ cukaru.

Illa Žukaviec (dyrektar pa markietynhu Kufar) i Volha Šachraj — uładalnica 7 000 adnarazovych pakiecikaŭ cukaru.

Napraciahu dvuch tydniaŭ kožny moža naviedać vystavu i aznajomicca z ekspanatami. Uvachod — 5 rubloŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?