Kryminalnaja sprava pa artykule «Chulihanstva» raspačata ŭ dačynieńni da žychara Hrodna 1999 hoda naradžeńnia. Usio adbyłosia na prypynku pa praśpiekcie Janki Kupały kala handlovaha centra «Karona».

U hety čas tam stajała kampanija 14-15-hadovych padletkaŭ, taksama tudy padjechaŭ aŭtobus. Z sałona vyjšaŭ padazravany sa svajoj dziaŭčynaj, jakaja była apranuta, skažam, nie pa siezonie. Na heta źviarnuli ŭvahu junaki, jakija stajać na prypynku. Heta nie spadabałasia kavaleru panienki, jon padyšoŭ da padletka 2002 hoda naradžeńnia, jaki źviarnuŭ uvahu na dziaŭčynu, i paśla słoŭ «što jamu nie padabajecca» nanios adzin udar kułakom u vobłaść skivicy sprava, zatym ŭdar kułakom u vobłaść levaha vucha i adzin udar nahoj u levaje ściahno. Paźniej da junaha «Ateła» padyšła dziaŭčyna i supakoiła jaho. Paśla čaho maładaja para pajšła ŭ bok handlovaha centra.

Chulihanstva karajecca hramadskimi pracami, abo štrafam, abo papraŭčymi rabotami na termin da dvuch hadoŭ, abo aryštam na termin da šaści miesiacaŭ, abo pazbaŭleńniem voli na termin da troch hadoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?