Raździalalny adbojnik naskroź prabiŭ aŭtamabil «Reno» pad Baranavičami, kiroŭca cudam zastaŭsia žyvy, paviedamili BiełTA ŭ pres-słužbie ŭpraŭleńnia MNS Bresckaj vobłaści.
Avaryja adbyłasia siońnia kala 11 hadzin ranicy na abjaznoj darozie, jakaja złučaje trasy M1 i R91. Pavodle papiaredniaj infarmacyi, aŭtamabil «Reno» ruchaŭsia z boku «alimpijki». Pry ŭzdymie na most praz čyhunačnaje pałatno mašyna vylecieła na sustrečnuju pałasu i sutyknułasia z raździalalnaj aharodžaj. U vyniku DTZ mietaličnaja kanstrukcyja prabiła aŭtamabil u rajonie piaredniaha pasažyrskaha siadzieńnia i vyjšła praz bahažnik.
Na ščaście, u mašynie nikoha, akramia kiroŭcy, nie było. Sam jon surjozna nie paciarpieŭ, zdoleŭ vybracca z mašyny i vyklikać dapamohu. Miarkujecca, što mužčyna moh zasnuć za rulom. Jaho dastavili ŭ baranavickuju balnicu. Pa fakcie DTZ pravodzicca pravierka.
