Ildar Dadzin, jaki adbyvaje pakarańnie ŭ siehiežskaj kałonii numar 7, źmieščany ŭ adzinočnuju kamieru terminam na paŭhoda. Pra heta paviedamiła ŭ tvitary žonka Dadzina Anastasija Zotava.
24 listapada pradstaŭniki ŭpraŭleńnia FSVP pa Karelii paviedamili, što Dadzin adpraŭleny ŭ adzinočnuju kamieru paśla bojki ź inšym asudžanym. Jaki termin Dadzin praviadzie ŭ PKT (pamiaškańnie kamiernaha typu), pradstaŭniki FSVP tady nie ŭdakładnili.
Ildar Dadzin u śniežni 2015 hoda staŭ pieršym asudžanym u Rasii za nieadnarazovaje parušeńnie praviłaŭ pikietavańnia. U pačatku listapada byŭ apublikavany list Dadzina, u jakim jon raspavioŭ ab sistematyčnym źbićci i katavańni ŭ siehiežskaj kałonii numar 7.
