Čaćviortuju batareju supraćpavietranaha zienitna-rakietnaha kompleksu Tor-M2 Biełaruś atrymaje ŭ śniežni 2016 hoda, paviedamiŭ kamandujučy VPS i vojsk SPA Uzbrojenych Sił Aleh Dźvihaloŭ.
3mv.ru
Pra heta paviedamiła dziaržaŭnaje ahienctva BiełTA.
Pieršaja i druhaja batarei kompleksu byli nabytyja i atrymanyja Biełaruśsiu ŭ 2011 i 2012 hadach, treciaja — u 2013 hodzie.
Batareja kompleksu składajecca z čatyroch mašyn. Tor-M2 moža nazirać adnačasova niekalki dziasiatkaŭ celaŭ i samastojna znachodzić siarod ich najbolš niebiaśpiečnyja. Adnačasova batareja moža vieści ahoń pa 16 celach.
Pryznačeńnie kompleksu — baraćba ź viertalotami i samalotami, a taksama bieśpiłotnikami, kiravanymi rakietami i bombami na siarednich, małych i zvyšmałych vyšyniach.
Maksimalnaja dalnaść stralby — 12 km, vyšynia — 10 km, piša aficyjny sajt Minabarony Biełarusi.
