Źnižki i rasprodažy da navahodnich śviataŭ składuć u roźničnym handli da 70%, paviedamiŭ žurnalistam namieśnik načalnika adździeła arhanizacyi handlu i hramadskaha charčavańnia HUSR Minharvykankama Alaksandr Frałoŭ.

Pavodle jaho słoŭ, staličnyja kramy da kaladnych i navahodnich śviataŭ prapanujuć źnižki i raspradažy na tavary šyrokaha asartymientu. Źnižeńnie roźničnych cen na asobnyja tavary budzie dasiahać 70%.

Jon taksama adznačyŭ, što da Novaha hoda handlovym arhanizacyjam Minska adhružana bolš za 2,6 młn butelek.

U dni navahodnich śviat bolš za 990 praduktovych i zvyš 1 tys. pramysłovych mahazinaŭ buduć pracavać z padoŭžanym režymam. Užo z 15 śniežnia praduktovyja mahaziny buduć pracavać da 22.00.

U Minsku va ŭsich rajonach projduć šmatlikija kaladnyja kirmašy. Z 15 śniežnia pa 1 studzienia «Kaladny kirmaš» u rajonie Pałaca sportu budzie pracavać z 12.00 da 20.00. U navahodniuju noč rabota budzie pradoŭžana da 4.00. Ahulnaharadski kirmaš «Kaladnaja zorka» adbudziecca 24 śniežnia z 10.00 da 20.00 kala Pałaca sportu. Na terytoryi Vierchniaha horada z 24 śniežnia pa 7 studzienia možna budzie nabyć hlintviejn, stravy biełaruskaj kuchni.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?