Mery Afin, Miechika, Madryda i Paryža damovilisia ab tym, što jany zabaroniać da 2025 hoda dyzielnyja aŭtamabili i hruzaviki, paviedamlaje Bi-bi-si.
AFP
Zamiest hetaha jany abiacali zaachvočvać vykarystańnie alternatyŭnych transpartnych srodkaŭ — elektramabilaŭ, hibrydnych i vadarodnych aŭtamabilaŭ.
Taksama mery abiacali raźvivać prahułačnyja zony ŭ haradach i viełasipiednuju infrastrukturu.
U Miechika taksama abiacali dalej raźvivać hramadski transpart.
Hetyja abiacańni mery zrabili ŭ Miechika, dzie prachodzić sustreča lidaraŭ suśvietnych haradoŭ.
U apošnija čas dyzielnyja aŭtamabili padviarhajucca krytycy z-za škody, jakuju jany nanosiać jakaści pavietra i zdaroŭju ludziej.
U vyniku pracy dyzielnych ruchavikoŭ vyłučajucca ŭzvažanyja čaścicy, jakija pranikajuć u lohkija i mohuć vyklikać chvaroby sardečna-sasudzistaj sistemy.
Taksama dyzielnyja ruchaviki vydzialajuć aksidy azotu, u vyniku čaho farmujecca pryziemny azon. Heta moža vyklikać istotnyja prablemy z dychańniem u ludziej.
Usie čatyry harady pakutujuć ad prablem ź jakaściu pavietra. U Paryžy ŭžo sprabujuć zmahacca z škodnymi aŭtamabilnymi vychłapami. U horad zabaroniena ŭjazdžać aŭtamabilam, jakija byli zarehistravanyja da 1997 hoda. U centry horada aŭtamabilnyja darohi pieratvarajuć u piešachodnyja zony.
Mery čatyroch haradoŭ spasyłajucca na dośvied Tokia, dzie ŭžo zabaronieny ruch dyzielnych aŭtamabilaŭ.
Suśvietnaja arhanizacyja achovy zdaroŭja zajaŭlała, što kala 3 młn śmierciaŭ u hod u śviecie źviazana z nastupstvami zabrudžvańnia pavietra. Pa dadzienych SAAZ, dzieviać ź dziesiaci žycharoŭ płaniety dychajuć brudnym pavietram.
