Ukrainski vajskoviec z metaj paźbiehnuć pakarańnia pierajšoŭ na bok bajevikoŭ. Pra heta paviedamlaje pres-centr štaba antyterarystyčnaj apieracyi.
«Učora bajec adnaho z našych padraździaleńniaŭ ździejśniŭ ciažkaje złačynstva. Z nadziejaj na toje, što paźbiehnie pakarańnia, jon pierajšoŭ na bok supiernika», — adznačajecca ŭ paviedamleńni.
U kamientarach da hetaha paviedamleńnia adznačajecca, što pierabiežčyk rodam z Adesy. Jon dačakaŭsia, kali kalehi źjechali pa spravach, paraniŭ z aŭtamata, a potym dabiŭ nažom kamandzira ŭzvoda.
«Sabraŭ zbroju i hranatamioty, sieŭ u BMP i sprabavaŭ syści na toj bok. Adrazu adreahavali,, padklučyli minamioty, bechu adbili. Sieparok syšoŭ na toj bok», — pišuć sasłužyŭcy ŭ sacyjalnych sietkach.
