12-hadovy Dekłan z Aŭstralii, jaki chvareje na lejkiemiju, zmoh paŭdzielničać u palicejskich vučeńniach, padčas jakich pravodzilisia kantralavanyja padryvy vybuchovych pryładaŭ i apieracyi pa vyzvaleńni zakładnikaŭ.
Australian Federal Police
Dabračynnaja arhanizacyja «Zahadaj žadańnie» źviazałasia z Dekłanam, kali jon na praciahu siami miesiacaŭ prachodziŭ chimijaterapiju.
Zapavietnaje žadańnie dziciaci akazałasia svojeasablivym — dla jaho realizacyi spatrebiłasia zaručycca padtrymkaj uładaŭ.
«Maraj Dekłana było padarvać što-niebudź, my jakraz mahli heta zrabić», — skazaŭ pradstaŭnik palicyi Devid Šarp.
Pavodle jaho słoŭ, znajści vałancioraŭ dla ŭdziełu ŭ palicejskich vučeńniach razam ź dziciem było nieskładana.
Padletka, jaki ciapier znachodzicca ŭ stadyi remisii paśla ankałahičnaha zachvorvańnia, taksama zaprasiŭ da siabie ŭ rezidencyju premjer-ministr krainy Malkalm Ternbuł.
Premjer sustreŭ Dekłana kala budynka parłamienta, Prime Minister's Office
«Dekłan pačuvaŭsia niadobra, ale siońnia jon zmoh pasprabavać, jak heta - pasiadzieć na kreśle kiraŭnika ŭrada», — raskazaŭ premjer-ministr
Paśla vizitu ŭ parłamient padletak sustreŭsia z hienierał-hubiernataram Aŭstralii Piteram Kaŭshroŭvam i schadziŭ u supravadžeńni amierykanskich marskich piechacincaŭ na ekskursiju ŭ pasolstva ZŠA
