Fota z fejsbuka Siarhieja Kavalenki.
Były palitviazień Siarhiej Kavalenka prypyniŭ vučobu na prahramie Kalinoŭskaha. Ciapier jon pracuje na budoŭlach u Varšavie.
U 2013 hod aktyvist pastupiŭ vučycca va ŭniviersitet pryrodaznaŭčych i humanitarnych navuk u polskim Siedlce. Navučaŭsia pa śpiecyjalnaści «kiravańnie ekanomikaj».
«Ciapier ja ŭ Varšavie, pracuju budaŭnikom, — raspavioŭ haziecie «Narodnaja vola» Siarhiej. — Treba było niejkim čynam siamju materyjalna padtrymać, tamu ja i vyrašyŭ uziać «akademku».
Ja i raniej zajmaŭsia pradprymalnictvam, rabiŭ ramonty (pravodziŭ elektryku, układvaŭ plitku), voś i vyrašyŭ, što vučoba vučobaj, ale ž nieabchodna i dvaich dziaciej na nohi padymać. U Biełarusi ramantavaŭ pryvatnyja kvatery, ale z-za kryzisu tut ceny na ramontnyja pasłuhi vielmi źnizilisia — praktyčna ŭ dva razy. Vymušany byŭ źjechać na zarobki ŭ Polšču.
U Varšavie ciapier zajmajusia elektrykaj u novabudoŭlach. Firma apłačvaje rabotu, a znajšoŭ jaje z dapamohaj ukrainskich hastarbajtaraŭ, jakich tut davoli šmat. Apłata ździelnaja. Uvohule tut da biełarusaŭ vielmi dobraje staŭleńnie. Jak tolki daviedvajucca, adkul ty, adrazu prapanoŭvajuć rabotu. A ŭkraincy pryjazdžajuć i z Danbasa, i z Zachodniaj Ukrainy».
Žyvie Kavalenka ŭ chostele. «Šykavać nie davodzicca, kali pryjechaŭ kapiejku zarabić. Ale žyllo nie vielmi darahoje, za miesiac treba płacić prykładna 100—115 dalaraŭ», — kaža jon.
Akademičny adpačynak jon uziaŭ na hod.
Siarhiej Kavalenka prasłaviŭsia tym, što ŭ studzieni 2010 hoda ŭ Viciebsku zalez na 35-mietrovuju hałoŭnuju jołku i ŭźniaŭ nad joj bieł-čyrvona-bieły ściah. Za toj učynak jamu dali try hady ŭmoŭna. U 2012 hodzie Kavalenka atrymaŭ dva hady i adzin miesiac kałonii za parušeńnie režymu adbyvańnia pakarańnia. Kavalenka vytrymaŭ haładoŭku, jakaja doŭžyłasia kala dvuch miesiacaŭ.
«Ja i da hetaha času hanarusia tym učynkam, kali ŭźniaŭ naš nacyjanalna-histaryčny ściah vyšej za kamunistyčnuju zorku. Chacieŭ pakazać biełarusam, što nam patrebna niezaležnaja simvolika, a nie savieckaja, što my nacyja», — kaža Kavalenka.
