Hrafstva Daniehoł na poŭnačy Irłandyi pryznana samym cikavym miescam dla padarožžaŭ u 2017 hodzie.
Hetaja miascovaść zaniała pieršy radok u novym śpisie papularnych kirunkaŭ dla padarožnikaŭ časopisa National Geographic Traveller.
Jak padkreślivaje časopis, hrafstva Daniehoł, znakamitaje svaim malaŭničym uźbiarežžam z mocna parezanaj bierahavoj linijaj, pakidaje ŭražańnie niaźviedanaj ziamli.
Prybiarežnyja piejzažy Daniehoła viadomyja mnostvam zalivaŭ, marskimi uciosami, prybiarežnymi astravami i čystymi plažami, adznačanymi Błakitnym ściaham — mižnarodnaj uznaharodaj za samuju čystuju vadu dla kupańnia
Jak prahnazuje časopis, u 2017 hodzie Daniehoł stanie modnym miescam dla padarožžaŭ. Rostu papularnaści hetaha kirunku budzie spryjać toj fakt, što letam na paŭvostravie Inišoŭen u hrafstvie Daniehoł prachodzili zdymki vośmaha epizodu «Zornych vojnaŭ».
Na druhim miescy ŭ śpisie National Geographic Traveller — stalica Čyli Santjaha, treci radok zajmajuć Chielsinki. Dalej iduć Hrenłandyja, Pieru i dacki Orchus. Usiaho ŭ śpisie časopisa 17 kirunkaŭ.
