Ministerstva antymanapolnaha rehulavańnia i handlu rastłumačyła paradak abaznačeńnia cany praduktaŭ za kiłahram i litr, paviedamiła BiełTA pres-sakratar MARH Alina Hilevič.
Pa jaje słovach, u metach stvareńnia dla spažyŭcoŭ bolš kamfortnych umoŭ dla paraŭnańnia cen na tavary niepasredna ŭ miescach ich prodažu, a taksama zabieśpiačeńnia maksimalnaj abarony ich pravoŭ MARH rekamienduje z 1 studzienia 2017 hoda subjektam, jakija ažyćciaŭlajuć handal charčovymi praduktami, naminalnaja kolkaść jakich nie roŭnaja značeńniu 1 kh (ł), u handlovych abjektach (za vyklučeńniem ažyćciaŭleńnia handlu ŭ kijoskach, pry raznosnym, razvaznym handli, praz handlovyja aŭtamaty, na handlovych miescach na rynkach, na kirmašach, aŭkcyjonach) pry ŭkazańni na ceńnikach, u rekłamie, katałohach, infarmacyi ab canie charčovych praduktaŭ za adzinku tavaru (za vyklučeńniem adzinkavych charčovych praduktaŭ, ałkaholnych, słabaałkaholnych napojaŭ, piva, tytuniovych vyrabaŭ, a taksama tavaraŭ u peŭnym nabory (kamplekt tavaraŭ)) paznačać dadatkova canu tavaru za 100 h (mł), 1 kh (ł). Dla praduktaŭ, naminalnaja kolkaść jakich nie pieravyšaje 250 h (mł) uklučna, nieabchodna paznačać canu adzinki tavaru za 100 h (mł); dla astatnich — za 1 kh (ł).
Dla praduktaŭ, jakija znachodziacca ŭ vadkim asiarodździ, paznačajecca cana adzinki tavaru dla pakazčyka «naminalnaja masa asnoŭnaha praduktu va ŭpakoŭcy biez vadkaści», kali vytvorcam na ŭpakoŭcy taki pakazčyk paznačany.
Cana adzinki tavaru za 100 h (mł), 1 kh (ł) vyznačajecca prostym raźlikovym mietadam. «Naprykład, cana 1 adzinki ŭpakoŭki małaka abjomam 0,8 ł składaje 1 rub. 10 kap. Raźlik: 1 ł x 1 rub. 10 kap.: 0,8 ł = 1,375 rub., to bok, cana 1 ł małaka składzie 1 rub. 38 kap.», — rastłumačyli ŭ MARH.
Što tyčycca afarmleńnia ceńnikaŭ, to cana tavaru na ceńniku za 100 h (mł), 1 kh (ł) raźmiaščajecca pad canoj tavaru za adzinku z pamieram šryfta, mienšym adnosna cany za adzinku tavaru.
Pry pradastaŭleńni źnižak cana adzinki tavaru za 100 h (mł), 1 kh (ł) raźličvajecca, jak praviła, da cany sa źnižkaj i raźmiaščajecca pad canoj tavaru za adzinku.
Afarmleńnie infarmacyi ab canie pry prodažy tavaraŭ pa ŭzorach, u tym liku na sajtach internet-kram, a taksama ŭ rekłamnych materyjałach, padarunkavych siertyfikatach, ažyćciaŭlajecca ŭ paradku, praduhledžanym hetym tłumačeńniem.
Ustupleńnie ŭ siłu nazvanaj normy płanujecca z 1 lipienia 2017 hoda.
