Časovy vykanaŭca abaviazkaŭ načalnika DAI Baranavičaŭ, jaki ździejśniŭ pjanaje DTZ, adchileny ad pasady. Pra heta paviedamiŭ BiełTA namieśnik načalnika UDAI MUS Biełarusi Alaksandr Cahielnik.

Jon nahadaŭ, što zhodna z pałažeńniem ab prachodžańni słužby ŭ orhanach unutranych spraŭ u vypadku pryciahnieńnia supracoŭnika ŭ jakaści padazravanaha abo abvinavačanaha pa kryminalnaj spravie jon moža być časova adchileny ad pasady. Časovaje adchileńnie supracoŭnika ad pasady ažyćciaŭlajecca ŭ paradku, praduhledžanym Kryminalna-pracesualnym kodeksam Biełarusi. U vypadku prymianieńnia ŭ dačynieńni da supracoŭnika miery strymańnia ŭ vyhladzie zaklučeńnia pad vartu vypłata jamu hrašovaha zabieśpiačeńnia abo štomiesiačnaj dziaržaŭnaj dapamohi prypyniajecca.

«Ciapier jon adchileny ad pasady, zatrymany i znachodzicca pad vartaj u śledčym izalatary. Jon budzie ŭ lubym vypadku zvolnieny z orhanaŭ — inšych varyjantaŭ niama», - skazaŭ Alaksandr Cahielnik.

U dačynieńni da č.v. abaviazkaŭ načalnika DAI Baranavičaŭ raspačata kryminalnaja sprava pa č.4 art.317 (parušeńnie praviłaŭ darožnaha ruchu asobaj, jakaja kiravała transpartnym srodkam u stanie ałkaholnaha apjanieńnia, što paciahnuła pa nieaściarožnaści śmierć čałavieka) KK RB.

Клас
Панылы сорам
Ха-ха
Ого
Сумна
Абуральна