Getty Images
Z takim śćviardžeńniem vyjšaŭ šerah jeŭrapiejskich haziet, u tym liku niamieckaja Spiegel, ispanskaja El Mundo i brytanskaja Sunday Times.
Jany zajavili, što hetyja źviestki atrymanyja dziakujučy ŭciečcy 18 młn roznych dakumientaŭ, u tym liku aryhinałaŭ kantraktaŭ, sakretnych damovaŭ i elektronnych listoŭ.
Haziety śćviardžajuć, što Maŭryńju i Ranałdu pieravodzili hrošy na rachunki ŭ bankach na Brytanskich Virhinskich vyspach, jakija źjaŭlajucca afšornaj zonaj.
U pryvatnaści, haziety pišuć, što Ranałdu ŭ kancy 2014 hoda vyvieŭ tudy kala 68 młn dalaraŭ.
Maŭryńju, śćviardžaje hazieta El Mundo, z 2010 pa 2013 hoda vyvieŭ u afšornuju zonu kala 13 młn dalaraŭ.
Ranałdu i Maŭryńju admaŭlajuć hetyja abvinavačańni. Jak zajaviŭ ich pradstaŭnik, futbolnaje ahienctva Gestifute, i Ranałdu, i Maŭryńju całkam vykonvajuć svaje padatkovyja abaviazacielstvy pierad brytanskimi i ispanskimi padatkovymi orhanami.
Futbolnaje ahienctva Gestifute, jakim kiruje Žorže Miendeš, jaki pradstaŭlaje intaresy, u tym liku, Ranałdu i Maŭryńjo ŭ aficyjnaj zajavie padkreśliła, što i futbalist, i trenier vykonvajuć zakony i vykonvajuć usie patrabavańni padatkovych słužbaŭ Ispanii i Brytanii.
Žurnalisty, jakija rasśledavali hetuju spravu paabiacali apublikavać u bližejšyja tydni šerah dakumientaŭ i artykułaŭ na hetuju temu pad ahulnym zahałoŭkam Football Leaks.
