Mitrapalit Pavieł źviarnuŭsia da ministra achovy zdaroŭja Biełarusi Vasila Žarko z pryčyny adnaho z punktaŭ prajekta pastanovy pra normy miedycynskaj etyki, zhodna ź jakim miedykam mohuć zabaranić nasić kryžyki i stavić ikony ŭ kabinietach, dzie prymajuć pacyjentaŭ. Zvarot apublikavany na aficyjnym sajcie BPC.

Fota Ihara Maćviejeva, Tut.by

Fota Ihara Maćviejeva, Tut.by

«Pradstaŭleny dla abmierkavańnia prajekt, u pryvatnaści jaho 7-y punkt (zabarona na našeńnie relihijnych znakaŭ i simvałaŭ), vyklikaŭ rezanans i burnuju dyskusiju siarod duchavienstva i śvieckich Biełaruskaj Pravasłaŭnaj Carkvy», — havorycca ŭ zvarocie.

Mitrapalit taksama adznačaje, što «archipastyry Biełaruskaha Ekzarchata adnadušna vykazali abhruntavanaje ździŭleńnie ŭ dačynieńni da hetaha punkta pastanovy i apasajucca mahčymych nastupstvaŭ jaho pryniaćcia dla viernikaŭ».

«Pa vynikach razhladu dadzienaha dakumienta členy Sinoda Biełaruskaha Ekzarchata daručyli mnie źviarnucca da Vas z prośbaj — nie dapuścić pryniaćcia pastanovy ŭ prapanavanaj dla hramadskaha abmierkavańnia redakcyi», — piša mitrapalit.

Kiraŭnik Biełaruskaj pravasłaŭnaj carkvy taksama pahadziŭsia z tym, što miedycynskija rabotniki pavinny vykonvać miežy razumnaha ŭ vykarystańni imi relihijnaj simvoliki, kab nie vyklikać u svaich kalehaŭ abo pacyjentaŭ adčuvańni naviazvańnia im tych ci inšych relihijnych pohladaŭ.

«Adnak my ličym, što abmierkavańnie naroŭni z vonkavym abliččam doktara (daŭžynia chałata, najaŭnaść upryhožvańniaŭ i h.d.) prykmiet jaho relihijnaj prynaležnaści pryniasie nierazumieńnie i złoŭžyvańni na miescach», — adznačaje Pavał.

Jon taksama spasyłajecca na art. 33 Kanstytucyi Biełarusi, u jakoj dekłarujecca, što «Kožnamu harantujecca svaboda mierkavańniaŭ, pierakanańniaŭ i ich svabodnaje vykazvańnie. Nichto nie moža być prymušany da vykazvańnia svaich pierakanańniaŭ abo admovy ad ich».

U Biełaruskaj pravasłaŭnaj carkvy aścierahajucca, što zaćviardžeńnie prajekta ŭ prapanavanaj redakcyi moža spynić dalejšaje raźvićcio ŭzajemadziejańnia carkvy ź Ministerstvam achovy zdaroŭja.

«Uličvajučy tuju akaličnaść, što bolšaść žycharoŭ Respubliki Biełaruś źjaŭlajucca pravasłaŭnymi pa vieravyznańni, a našeńnie nacielnych kryžykaŭ i zvarot da Boha pierad ikonami źjaŭlajecca naturalnym i nieadjemnym składnikam žyćcia i pobytu biełaruskaha naroda, zhadany punkt prajekta moža spravakavać pratesty ludziej, jak paśladoŭnikaŭ pravasłaŭnaj viery, tak i inšych chryścijanskich kanfiesij. Heta taksama moža pasłužyć źjaŭleńniu ŭ našym hramadstvie niepradkazalnych supiarečnaściaŭ na relihijnaj hlebie», - padkreślivajecca ŭ zvarocie.

Jon prosić vyklučyć z prajekta pałažeńnie ab relihijnych simvałach. Mitrapalit Pavieł taksama źviarnuŭ uvahu ministra achovy zdaroŭja na toje, ad śviataroŭ prychodziać «tryvožnyja sihnały ab pieraduziatym staŭleńni niekatorych miedycynskich načalnikaŭ roznaha ŭzroŭniu — zahadčykaŭ adździaleńniaŭ miedycynskich ustanoŭ, pradstaŭnikoŭ administracyi balnic i paliklinik da pravasłaŭnaj prysutnaści va ŭstanovach Ministerstva achovy zdaroŭja.

Raniej Mitrapalit Minska-Mahiloŭski arcybiskup Tadevuš Kandrusievič taksama raskrytykavaŭ prajekt pastanovy Ministerstva achovy zdaroŭja.

«Heta značyć možna nasić značok prynaležnaści da partyi i hramadskaj arhanizacyi, a relihijny znak — nie, — aburyŭsia 22 śniežnia katalicki ijerarch. — U nas rekłamujuć piva, pracujuć kazino, a vy viedajecie, kudy pryvodziać usie hetyja adnarukija bandyty, a relihijny znak, značyć, nasić nielha!

«Heta nie što inšaje jak dyskryminacyja viernikaŭ. Spadziajusia, hetyja normy buduć źmienieny», - skazaŭ Kandrusievič.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?